Ghantang van my

druppels op die dak

grys wolke saamgepak

(waarom sou ek wou

ballades skryf oor jou)

dis jou warm binnehart

my wegkruipplek

teen wêreldsmart

dis die omgee-liefhêmens

wat in jou wese woon

jy met jou blymaakwoorde

wat my dag bekroon

dis jou humor en jou lag

jou kwinkslae onverwags

jou manwees, maatwees,

menswees -

jy

(daarom sou ek wou

lirieke skryf oor jou)

Elizabeth Kendall ©